Roedd y cam cyntaf o ddatblygu’r fframwaith yn cynnwys pedwar archwiliad rhanbarthol i nodi’r wybodaeth sy’n bodoli eisoes fel yr adlewyrchwyd mewn ffynonellau cyhoeddedig, gyda chymorth grant Cadw, ac a gynhaliwyd gan bedair Ymddiriedolaeth Archaeolegol Cymru. Dilynwyd hyn gan asesiad o’r wybodaeth gyfredol a datblygu agenda ymchwil i nodi bylchau. Cafodd gweithgorau rhanbarthol y dasg o archwilio cyfnodau a themâu. Pan gyflwynwyd eu canfyddiadau mewn seminarau yng Nghaerfyrddin, y Trallwng, Bangor a Chaerdydd, roedd amrywiaeth y cyfranogwyr yn dangos bod pob sector o archaeoleg Cymru yn awyddus i fod yn rhan o’r gwaith, yn cynnwys unigolion preifat a sefydliadau llywodraethol, addysgol, gwirfoddol a masnachol. Ystyriodd seminar yn Aberystwyth ym mis Medi 2004 yr agenda genedlaethol ar gyfer pob un o’r cyfnodau a themâu a amlinellwyd eisoes ar lefel ranbarthol. Y cam terfynol oedd y strategaeth ymchwil, sef rhestr o amcanion â blaenoriaeth y gellid eu datblygu ymhellach drwy ymchwil.

Sut y caiff y fframwaith ei ddefnyddio?